«Карачаганак Петролиум Оперейтинг б.в.» Қазақстан филиалы 12 тауар санаты бойынша техникалық вебинарлар сериясын өткізуді жалғастыруда
2024 жылғы 9 қыркүйекте — жергілікті кәсіпорындардың қолданыстағы және болашақтағы өндірістік қажеттіліктері, сондай-ақ, КПО компаниясының қызметінде пайдаланылатын тауарларға қойылатын техникалық талаптар туралы хабардарлығын арттыруға бағытталған ЖЖАБ (жылыту, желдету және ауаны баптау) және сүзгілер тақырыбы аясында техникалық вебинар өткізілді.
Аталмыш вебинарға 35-тен астам компаниялардың өкілдері мен Мұнай-газ машина жасау саласын дамытуға арналған халықаралық орталық «IMB орталығы» қатысты.
КПО мамандары ЖЖАБ және сүзгілерге қойылатын КПО-ның техникалық талаптары мен стандарттарын ұсынды, сонымен қатар семинар қатысушыларын болашақ қажеттіліктер туралы хабардар етіп, КПО-дағы сатып алу процесі мен жергілікті жеткізушілерге қолдау көрсету механизмдері туралы баяндап берді.
КПО келесі техникалық вебинарларды өткізуді жоспарлап отыр:
— 2024 жылғы 23 қыркүйекте оқшаулағыш материалдар мен құбырлар бойынша;
— 2024 жылғы 7 қазанда бақылау-өлшеу аспаптары және автоматика құрылғылары (құралдар және автоматика) және электр жабдықтары бойынша;
— 2024 жылғы 21 қазанда сорғылар мен тығыздағыштар, жылу алмастырғыштар бойынша жүргізеді.
Егер қызығушылық танытса, мамандандырылған өндірушілер вебинардың тақырыбын көрсете отырып, вебинар басталғанға дейін 48 сағаттан кешіктірмей LCD@kpo.kz электрондық поштасына қатысуға өтінімді жіберуі керек.
Осы орайда КПО отандық жеткізушілерге қолайлы жағдай жасап, мүмкіндік беру арқылы сатып алу процесінің әр кезеңінде қазақстандық көздерден алынатын тауарларды пайдалану көлемін үздіксіз арттыруға ұмтылатынын айта кеткен жөн.
