КПО басшылығы

Джанкарло Рую
КПО бас директоры

Джанкарло Руюдің мұнай және газ өнеркәсібіндегі Қазақстанда және шет елдерде жинақтаған жиырма жылдық жұмыс тәжірибесі бар. Осы қызметке дейін ол өндірістің, кен орындарын барлаудың, игерудің және пайдаланудың, сондай-ақ бизнесті дамытудың толық барысын қамтитын жауапты лауазымдарды атқарған. Соңғы қызметінде ол «Энидің» Абу-Дабидағы бірлескен кәсіпорнында ADNOC / UDR жер үсті опрациялар бағдарламасының жетекшісі болды. Бұған дейін ол «Эни Ганадағы» басқарушы директор қызметін атқарды және «Норд Каспиан Оперейтинг Компанида» кен орнын дамыту бірінші кезеңінің директоры лауазымында жұмыс істеді.

Адам Чарльз Лоумасс
КПО бас директорының орынбасары / өндіріс директоры

Адам Лоумастың 18 жылға жуық халықаралық басқарушылық тәжірибесі бар. Көптеген елдерде, соның ішінде Қазақстанда жұмыс істеп, ол әртүрлі халықтардың мәдениеттерін жете түсінген. Адам «Шелл» компаниясында 2007 жылдан бері жасайды. КПО-ға дейін ол Атыраудағы «НКОК» консорциумында өнідірісті жетілдіру жөніндегі бас директор және цифрлық технологиялар жөніндегі бас директор қызметін атқарған.

Жан Вак
Қаржы директоры

Жан Вактың әлем бойынша басшылық қызметіндегі 20 жылғы жуық тәжірибесі бар. Ол мұнай-газ өндірісі, соның ішінде барлау және өндіру, сондай-ақ мұнай өнімдерін сақтау және тасымалдау саласында әртүрлі қаржылық қызметтерді атқарған. 8 елде қызмет атқарып, түрлі мәдениетпен танысып, оларды жетік меңгерген. Білікті басқарушы есепші ретінде Жан қазынашылық, қаржылық бақылау, корпоративтік қаржы және бірлескен кәсіпорынның қаржысы бойынша терең білім жинақтап, әртүрлі жоғары басқарушылық лауазымдарды, соның ішінде Ирактағы Basrah Gas Company кәсіпорнында, және жақында Мексикадағы Shell бизнестері үшін Қаржы директоры қызметін атқарған.

Алмасбек Мухашов
Маркетинг жөніндегі директоры

Алмасбек Мухашов мырзаның «Eni» компаниялар тобындағы 20 жылдан астам жұмыс өтілі бар. Ол Нигерия, Мексика, Түркіменстан, Алжир, Тунис, Венесуэла және Қазақстанда мұнай шикізатын барлау, игеру, өндіру, өңдеу, сақтау және сатудың әртүрлі жобаларында сыртқы байланыстар, экономикалық талдау және қаржы, өнеркәсіптік жобаларды әзірлеу салаларынан бастап, сондай-ақ коммерциялық қызметтер және келіссөздер жүргізу бойынша әртүрлі лауазымдарда жұмыс істеді.
КПО компаниясына дейін Алмасбек «Agip Karachaganak B.V.» компаниясының қазақстандық филиалында жаңа бизнес мүмкіндіктері мен аймақтық талдау басшысы қызметін атқарды.

Нуржан Камалов
Үкіметпен қатынастар жөніндегі директоры

Нұржанның Қарашығанақ жобасы бойынша 20 жылдық жұмыс тәжірибесі бар. Мұнай-газ өнеркәсібіндегі мансабы кезінде Нұржан Қарашығанақ кәсіпорнында бірнеше жоғары басшылық лауазымдарда қызмет атқарып келді. Соңғы атқарған лауазымдар — Үкіметпен байланыс және корпоративтік мәселелер жөніндегі басқарушы және ЕҚ, ҚТ және ҚОҚ корпоративтік мәселелер жөніндегі басқарушы. Қазіргі таңда Нұржан Қазақстан Республикасының билік органдарымен, үкіметтік мекемелермен, ұлттық және халықаралық БАҚ-пен өзара қарым-қатынасты қоса алғанда, әлеуметтік инфрақұрылым, үкіметпен байланыс және сыртқы байланыстар жобаларға жауапты. Нұржан 2007 жылдан 2012 жылға дейін «Қазақстан Петролеум Ассоциациясы» Директорлар кеңесінің төрағасы болып қызмет атқарды.

Сергей Дубынин
Заң мәселелері жөніндегі директор

Сергейдің халықаралық компанияларда заң мәселелерін басқару саласындағы басшылық қызметтерде жинаған 20 жылдық тәжірибесі бар. Ол Shell және оның еншілес ұйымдарында 2007 жылдан бері басшылық қызметтерді атқарып келеді. КПО компаниясына дейін Сергей РФ, Мәскеу қаласындағы Shell Exploration and Production Services (RF) B.V. заң бөлімінің басшысы қызметін атқарған.

Слушаш Ізбасарова
Еңбек ресурстары және қызметтер жөніндегі директоры

Слушаштың еңбек ресурстарын басқару саласындағы басшылық лауазымдарда 20 жылдық жұмыс тәжірибесі бар. Оның бұрынғы лауазымы КПО-ның еңбек ресурстары жөніндегі басқарушы. КПО-ға дейін Слушаш Agip Қазақстан North Caspian Operations Company, NC Production Operations Company B.V., North Caspian Operations Company B.V. сияқты ірі мұнай трансұлттық корпорацияларында басшылық қызметтер атқарды. 2017 жылы Слушаш «Шелл» компаниясына жұмысқа қабылданды.

Джосуэ Делла Бьянка
Жеткізілімдерді ұйымдастыру жөніндегі директоры

Делла Бьянка Джосуэ Eni компаниясында 2004 жылдан бері жұмыс жасап келеді. КПО компаниясына дейін ол Eni компаниясындағы Еуропа, Австралия, Америка және Орта Шығыс елдерінің өндірістік және өндіру қызметтеріне қажет сатып алуларға жауапты болған. Джосуэ соңғы он жыл ішінде бірнеше басқарушылық қызметтерді атқарып, сатып алулар саласында мол халықаралық тәжірибе жинаған. Сонымен қатар ол Ресей, Мозамбик, Италия мен Қазақстан сияқты елдерде сатып алулар жөніндегі бөлім бастығы лауазымын атқарған.

Оскар ван дер Вейде
Жобаны жүзеге асыру директоры

Оскар Shell және оның бөлімдерінде 1990 жылдан бері жұмыс жасап келеді. Бұған дейін ол Үндістан, Бангалордағы Shell Projects & Technology цифрландыру жобаларының бас менеджері қызметін атқарды. Оскардың инжиниринг пен жобаларды басқарудағы тәжірибесі мол. Сондай-ақ ол Нидерланд, Біріккен Корольдік, Нигерия, Үндістан мен Қазақстандағы бірқатар басқарушылық қызметтерді атқарған.

Роккантонио Каталано
Корпоративтік басқару мәселелері жөніндегі директор

Роккантонио «Enі Group» концернінде 2002 жылдан бері жұмыс істеп келеді және қызметі барысында корпоративтік деңгейде және шет елдерде әртүрлі халықаралық басшылық лауазымдарда жұмыс істеген. Ол — қызметі нәтижеге бағытталған тәжірибелі басшы және оның энергетика мен мұнай-газ салаларында жинаған мол тәжірибесі бар. Осыған дейін ол «Eni» компаниясының табиғи ресурстар бөлімінің Корпоративтік вице-президенті/Қауіпсіздік бөлімінің бастығы және «GSA» компаниясында Бас менеджер (Сахара шөлінің Алжирдағы бөлігінде құрылған «Eni» мен «Sonatrach» компанияларының бірлескен кәсіпорны) қызметтерін атқарған. Роккантонио бұрын Қазақстанда да жұмыс істеген — КПО компаниясында Өндірістік директораттың ЕҚ, ҚТ және ҚОҚ жөніндегі бастығы және ҚТ корпоративтік мәселелері бөлімінің бастығы лауазымдарында қызмет еткен.