Көшірілген тұрғындардың жағдайын бақылау

2017 жылдың аяғында Березовка және Бестау ауылдарының алғашқы тұрғындары Аралтал ықшам ауданына және Ақсай қаласындағы көпқабатты тұрғын үйлерге қоныс аударғалы Компания жыл сайын қоныстанған отбасылардың тіршілікке қажетті қаржы табу көздерін қалпына келтіру барысын қадағалап отырады.

2018-2022 жж. аталған мониторинг аясында КПО Аралталдағы 100 жер үйді қоса алғанда, Ақсай қаласында көп қабатты үй тұрғындары үшін келесі іс-шараларды орындады:

• 2018-2019 жж. — Аралтал шағын ауданындағы 100 жер үй тұрғындары алаңдарын өңдеу үшін 11 600 тонна құнарлы жер қабаты берілді;
• 2018-2021 жж. — көшірілген тұрғындардың 800 өтініші КПО Өтініштер журналында тіркелді. Барлық мәселелер 2021 жылдың соңына дейін шешілді.
• 2019 ж. — КПО Ұлы Отан соғысының жауынгеріне арналған ескерткішті бұрынғы Березовка ауылынан Аралталға толық қайта құруға және көшіруге жәрдемдесті;
• 2020 ж. — COVID-19 пандемиясы кезінде КПО Бөрлі ауданы әкімдігі және Ақсай қаласы әкімімен бірлесіп, Аралталдағы 100 үйдің тұрғындарына азық-түлік пен бірінші кезекте қажетті заттарды автодүкен арқылы жеткізді;
• 2020 ж. — Бөрлі ауданы, Ақсай қаласының әкімі көмегімен КПО көшірілген тұрғындар тұратын 5 және 10-шағын аудандардағы көп қабатты үйлердің аулаларын көгалдандыру үшін 150 ағаш көшеттерін жеткізді;
• 2020-2021 жж. — Березовка мен Бестау ауылдарынан көшірілген тұрғындар үшін Бөрлі ауданы, Ақсай қаласының 10-шағын ауданындағы екі көп пәтерлі үй және 320 орындық балабақша, Аралтал шағын ауданындағы 100 жер үй мен 300 орындық мектеп құрылыстарының кепілдік қызмет көрсету мерзімінің аяқталуы.

Аралтал тұрғындарымен кездесу барысындағы сауалнама аясында тұрғындар бой көтерген 100 үй мен жергілікті мектеп маңында жауын-шашын суын бағыттауға арналған кәріз жүйесінің жоқтығына шағымданды. Тұрғындардың өтініштері Компания тарапынан Бөрлі ауданы мен Батыс Қазақстан облысының жергілікті билік органдарының назарына жеткізілді. КПО-ның жергілікті атқарушы билік пен мемлекеттік органдармен бірлескен жұмысының нәтижесінде Березовка және Бестау ауылдарын қоныстандырудан кейінгі жобаларын, оның ішінде Ақсай қаласындағы Аралтал ықшам ауданында кәріз жүйесін орнату жобасын және бұрынғы Березовка және Бестау ауылдарын бұзу және жерін қалпына келтіру жобасын жүзеге асыруға қосымша қаражат бөлу туралы Қазақстан Республикасы Үкіметінің жаңа Қаулысы (01.04.2021 жылғы № 203) қабылданды.

2021 жылдың соңында КПО Аралтал ықшам ауданындағы 100 үй мен мектеп айналасындағы кәріз жүйесін орнату жобасын аяқтады. Алты айға созылған құрылыстың барлық кезеңінде КПО-ның халықпен жұмыс істеу бөлімінің қызметкерлері Аралтал тұрғындарымен жоба туралы ақылдасып ой бөлісуге арналған жиындар өткізіп, оларды жобаның жоспарымен таныстырып, тұрғындарға құрылыс барысы туралы хабарлап отырды. Сондай-ақ құрылысты орындаушы мердігер компанияны мәселелерді шешуге тарта отырып, жазбаша және ауызша өтініштер мен шағымдарға жедел жауап беріп отырды. Құрылыс кезеңінде КПО қызметкерлерінің тұрғындармен тұрақты байланысының арқасында мердігер компания тұрғындардың барлық ескертулері мен өтініштерін ескерді. Жалпы алғанда, кәріз жүйесінің құрылысы кезінде Компанияның қоғаммен байланыс қызметкерлері Аралтал тұрғындарымен жобаға қатысты мәселелерді талқылау және шешу мақсатында 97 кездесу өткізді.

Компанияның Бөрлі ауданының тұрғындары мен жергілікті билік органдарымен нәтижелі ынтымақтастығы тұрғындар мәселелерін дер кезінде шешуге және осы жобаны жүзеге асыруға байланысты 94 арыз-шағымның уақтылы орындалып, жабылуына септігін тигізді. Сонымен қатар бұл шара жұмысты кестеге сәйкес аяқтай алмау қаупін азайтып, жергілікті халықпен сенімді қарым-қатынасты нығайтты.

Сонымен қатар 2022 жылы Березовка мен Бестау ауылдарын бұзу және жерді қалпына келтіру жобасының жобалық-сметалық құжаттамасын әзірлеу үшін мердігер компанияны таңдау бойынша тендер өткізілді. Жалпы, әртүрлі жобаларды іске асыру барысында КПО-ның Бөрлі ауданының жергілікті халқымен ынтымақтастығы компанияның Қарашығанақ кен орнындағы компания қызметіне байланысты туындайтын әлеуметтік және экологиялық қауіп-қатерлерді азайтуға көмектеседі.

Мониторинг барысында КПО Ақсай қаласы мен Аралтал ықшам ауданына көшірілген әлеуметтік тұрғыдан осал топтарға ерекше көңіл бөледі. КПО-ның халықпен жұмыс істеу жөніндегі маманы көмек көрсету және мәселелерді шешуге қолдау көрсету мақсатында кәрі жастағы жалғыз басты тұрғындардың үйіне барып тұрады.

Қарашығанақ кен орны аумағында және кен орны айналасындағы санитарлық қорғау аймағы шекарасында екі мобильді экологиялық мониторинг станциясына қосымша 18 экологиялық мониторинг станция (ЭМС) жұмыс істейді. КПО-ның атмосфералық ауаға экологиялық мониторинг жасау жүйесі бойынша толық ақпарат осы есептің «Қоршаған орта мониторингі» тарауында берілген.