Биылғы жылдың 10 қазан күні Батыс Қазақстан облысы әкімдігінің ғимаратында жергілікті ауыл шаруашылығы тауарын өндірушілерді қолдау бойынша ынтымақтастық мәселелеріне арналған жұмыс бабындағы кездесу өтті. Бұл кездесу облыс әкімінің орынбасары К.Ш.Айтмухамбетовтің және КПО бас директорының орынбасары М.Н.Манкеевтің төрағалығымен өтті. Кездесуге, сондай-ақ КПО компаниясының ірі бизнес серіктестері, «СПК AQJAIYQ» АҚ және аймақтың жетекші ауылшаруашылық өндірушілері қатысты.
Кездесудің мақсаты — бұрын ҚР Премьер-министрінің орынбасары Т.К.Дуйсенованың Батыс Қазақстандағы іссапары аясында БҚО әкімдігі мен КПО компаниясы арасында қол қойылған «Жергілікті ауыл шаруашылығы тауарын өндірушілерді қолдау бойынша өзара ынтымақтастық туралы меморандумның» шараларын одан әрі жүзеге асыруды талқылау.
Кездесудің негізгі бөлігінде КПО бас директорының орынбасары Мухтар Манкеев өз сөзінде КПО бұл шараны ауыл шаруашылығы тауарын өндірушілер мен компанияның негізгі бизнес-серіктестері арасындағы өзара әрекеттесу платформасын құру мақсатында ұйымдастырғанын атап өтті. Ол сондай-ақ КПО мердігер ұйымдарында күн сайын 10 мыңнан астам адамды тамақпен қамтамасыз ететін қызметті ұйымдастыру бойынша ірі келісімшарттар бар екенін атап өтті.
«Осы процестерге жергілікті ауыл шаруашылығы тауарын өндірушілерін жұмылдыру ауылдық жерлерде шағын бизнесті дамыту арқылы ауыл тұрғындарының табысын арттыруға айтарлықтай мүмкіндіктер тудырады. Біздің басты міндетіміз — мердігер ұйымдардың өңірдің ауыл шаруашылығы тауарын өндірушілерімен тікелей ынтымақтасуы, бұл жергілікті қамту көлемін ұлғайтуға және Қарашығанақ жобасының қажеттіліктері үшін сапалы өнім жеткізуді қамтамасыз етуге мүмкіндік береді», — деп атап өтті Мұхтар Манкеев.
Ол сондай-ақ КПО жергілікті өндірушілерді дамытуға және қолдауға басымдық бере отырып, бұл жұмысты тұрақты түрде жалғастыратынын айтты. «Мұндай бастамалар ауыл шаруашылығы секторын нығайтуға ғана емес, Батыс Қазақстан облысының жалпы әл-ауқатын арттыруға да ықпал ететініне сенімдіміз», — деп қорытындылады бас директордың орынбасары.
Бетпе-бет кездесулер барысында КПО-ның ірі бизнес-серіктестері ұзақ мерзімді әріптестік үшін қосымша мүмкіндіктер жасау мақсатында азық-түлік жеткізушілеріне қойылатын стандарттарға түсініктеме берді, сондай-ақ байланыс деректерімен алмасты.
Кездесу қорытындысы бойынша «ЛИГАБУЕ ЦЕНТРАЛЬНАЯ АЗИЯ» ЖШС «Каверин» ЖК-мен сүт өнімдерін жеткізуге қосымша келісімге, сондай-ақ ауыл шаруашылығы өнімдерін өндіру және қайта өңдеу жөніндегі негізгі кәсіпорындармен өзара түсіністік туралы меморандумдарға қол қойды. КПО-ның ірі бизнес-серіктесі «ККС-СИЧИМ» ЖШС жергілікті ауыл шаруашылығы тауарын өндірушілерді қолдау және ет өнімдерін өндірушімен ынтымақтастық туралы өзара түсіністік туралы меморандумға қол қойды.
Қол қойылған келісімдер мен өзара түсіністік туралы меморандумдар ауыл шаруашылығы тауарын өндірушілерін Қарашығанақ жобасының қажеттіліктері үшін жеткізу процестеріне белсенді жұмылдыру жағдайлар жасау және байланыстарды нығайту үшін жаңа жолдар ашады. КПО Қазақстан Республикасы Үкіметінің Батыс Қазақстан облысын дамыту жөніндегі бастамаларын қолдай отырып, осы бағыттағы жұмысты жалғастыруға деген ниетін растайды.
КПО компаниясының БАҚ және қоғаммен байланыс жөніндегі бөлімі
БАҚ редакторларына арналған ескертпе:
«Карачаганак Петролиум Оперейтинг Б.В.» (КПО) «Эни СпА» (29,25%), «Шелл плс» (29,25%), «Шеврон» (18%), «Лукойл» (13,5%) және «Қазмұнайгаз» ҰК" АҚ (10%) компанияларының бірлескен кәсіпорны.
КПО әлемдегі ең ірі мұнай, газ және конденсат кен орындарының бірі — Қарашығанақ кен орнын игеруді және дамытуды басқарып келеді.
